Mateus 13

Ang Sambingay bahin sa Binhi sa Mustasa

31 Gisultihan usab sila ni Jesus niini nga sambingay, "Ang gingharian sa Langit sama sa binhi sa mustasa*13:31 mustasa: kini nga matang sa mustasa taas kaayo. nga gipugas sa usa ka tawo sa iyang yuta. 32 Ang binhi sa mustasa mao ang labing gamay sa tanan nga binhi. Apan kon motubo na gani, kini mao ang labing taas sa mga utanon, ug sama na sa kahoy ang iyang katas-on. Bisan gani ang mga langgam makasalag diha sa iyang mga sanga."