29 "Pagkahuman sa mga kasakitan nianang panahona,

" ‘mawad-an ug kahayag ang adlaw,

ang bulan dili na modan-ag,

ug ang mga bitoon mangahulog.

Ang mga butang* sa kalangitan pahisalaagon

gikan sa ilang naandan nga agianan.’*

30 "Unya makita diha sa langit ang ilhanan sa iyang pagbalik, ug manghilak ang tanang tawo sa kalibotan tungod niini. Ug makita nila ang Anak sa Tawo nga moabot gikan sa mga panganod uban sa gahom ug dakong himaya. 31 Sa makusog nga tingog sa trumpeta sugoon niya ang mga anghel sa pagtigom sa iyang mga pinili gikan sa tanang dapit sa kalibotan.