26 Samtang nangaon sila, mikuha si Jesus ug pan. Gipasalamatan niya kini sa Dios ug unya gipikas-pikas. Pagkahuman gihatag niya sa iyang mga tinun-an ug miingon, "Pagkuha kamo ug kan-a, mao kini ang akong lawas."

27 Unya mikuha siya ug ilimnon sa kopa, nagpasalamat sa Dios, ug gihatag kanila nga nag-ingon, "Panginom kamong tanan niini, 28 tungod kay mao kini ang akong dugo nga iula* aron mapasaylo ang mga sala sa daghang tawo. Kini nagpamatuod nga adunay bag-o na nga kasabotan ang Dios ngadto sa mga tawo.