Mateus 9

Gibuhi ni Jesus ang Bata ug Giayo ang Babaye

18 Samtang nagsulti pa si Jesus, miabot ang usa ka pangulo sa sinagoga. Miluhod siya kang Jesus ug nagpakiluoy nga nag-ingon, "Ang akong anak nga babaye bag-o lang gayod namatay, apan kon adtoon mo siya ug ipandong mo ang imong kamot kaniya, nagtuo ako nga mabuhi siya pag-usab." 19 Busa mitindog si Jesus ug miuban kaniya. Mikuyog usab ang mga tinun-an ni Jesus.