Numeros 13

31 Apan miingon ang mga tawo nga kauban ni Caleb sa pagpangispiya, "Dili nato makaya ang pagsulong kanila kay mas kusgan sila kay kanato." 32 Ug mihatag sila ngadto sa mga Israelinhon ug dili maayo nga balita bahin sa yuta nga ilang gisusi. Mao kini ang ilang gisulti, "Ang yuta nga among gisusi dili maayo,*13:32 dili maayo: sa literal, nagkaon. gani nangamatay ang mga nagpuyo didto, ug dugang pa niana, ang mga tawo nga nakita namo didto hilabihan katag-as. 33 Adunay nakita pa gani kaming mga higante,*13:33 higante: sa Hebreo, Nefilim. Tan-awa ang Gen. 6:1-4. nga mga kaliwat ni Anak. Daw mga apan-apan lang ang among panan-aw sa among kaugalingon kon ikompara kanila, ug mao usab kana ang ilang panan-aw kanamo."