Mateus 9

Ang Anak ng Namumuno at ang Babaeng Dinudugo

18 Habang sinasabi niya ang mga ito, dumating ang isang namumuno sa sinagoga. Lumuhod ito sa kanyang harapan at sinabi, "Kamamatay lang po ng anak kong babae, ngunit kung pupuntahan nʼyo siya at ipapatong ang inyong kamay sa kanya, siyaʼy mabubuhay." 19 Kaya tumayo si Hesus at sumáma sa kanya, pati na rin ang mga alagad niya.