SEKEN TIMOTI 1

Pol i leftemap tingting blong Timoti

3 Long dei mo long naet, taem mi stap prea, oltaem mi stap tingbaot yu, nao mi stap talem tangkiu long God from yu. Mo mi stap mekem ol wok blong hem, stret olsem we ol olfala blong mi bifo oli mekem, we tingting blong mi i klin gud. 4 Oltaem mi stap tingbaot taem ya we yu yu krae from mi, nao mi wantem tumas blong kam luk yu bakegen, blong bambae mi save harem gud. 5 ✝1.5: Wok 16.1Mo mi stap tingbaot fasin blong bilif blong yu, we i no blong giaman, we i sem fasin nomo blong bilif we bubu blong yu Loes, mo mama blong yu Yunis, tufala i stap holem. Mo mi savegud we yu tu yu stap holem fasin ya yet.