Daniel 1

Ol yang man we oli stap long haos blong King Nebukadnesa

1 ✝ 1.1: 2 King 24.1; 2 Kron 36.5-7 Long taem ya we Jehoeakim i king long Juda,* long namba tri yia blong hem, King Nebukadnesa blong Babilonia i kam wetem ol soldia blong hem, nao oli hivap raon long taon ya Jerusalem* blong mekem faet agens long hem. 2 ✝1.2: 2 King 20.17,18; 24.10-16; 2 Kron 36.10; Aes 39.7,8Nao God i putum King Jehoeakim wetem ol gudgudfala samting tu we i stap long haos* blong God long ples ya, i go long han blong King Nebukadnesa. Nao king ya i karem plante man oli go wok slef* long Babilonia*1.2: Long Oltesteman long lanwis ya Hibru, long ples ya oli yusum olfala nem blong Babilonia se Sina, we ol man ya bifo oli yusum blong soemaot we ol man long ples ya oli stap agens long God. Yu luk Jenesis 10.10; 11.1-9., mo ol gudgudfala samting ya we hem i karem i go, hem i putum olgeta oli stap gud wetem ol gudgudfala samting insaed long haos blong ol god blong hem long ples ya.

3 Nao king ya i talem long Aspenas we i hed blong ol haeman*1.3: Long ples ya tok ya haeman i wan tokhaed blong talem man we oli mekem natamap long hem. blong hem, blong hem i go luk ol laen* blong Isrel* ya we oli stap wok slef long ples ya, blong i jusumaot sam yang man long famle blong king, mo sam long ol famle blong ol haeman. 4 Olgeta ya oli mas luk naes, mo oli mas man we oli gat hed, mo we oli tren gud, oli gat save. Oli mas man we oli kwik blong lan, mo we i no gat wan samting i rong long bodi blong olgeta, blong bambae oli stret gud blong wok insaed long haos blong king. Mo king i talem tu long man ya, se hem i mas tijim olgeta blong oli save ridim lanwis blong Babilonia mo blong oli save raetem tu. 5 Mo king i talemaot se evri dei oli mas givim sem kakae mo waen long olgeta, olsem we ol memba blong haos blong hem oli stap kakae. Bambae olgeta oli skul* tri yia, nao biaen long tri yia ya, bambae oli save go mekem wok blong hem. 6 Nao long olgeta ya we hem i jusumaot olgeta, i gat fo man oli stap wetem olgeta, we nem blong olgeta Daniel, mo Hanania, mo Misael mo Asaria. Olgeta ya evriwan oli laen blong Juda.