Oli mekem plan blong kilim Daniel
1 Nao King Darias i putumap wan handred twanti praeminista,6.1: Long taem ya i gat plante praeminista from we king ya i rul long plante defren kantri. Mo trifala presiden ya oli no olsem presiden blong yumi, be oli bos blong ol praeminista ya. blong oli lukaot long ol wok long olgeta kantri we hem i rul long hem. 2 Mo antap bakegen, hem i jusumaot tri presiden we Daniel i wan long trifala, blong trifala i bos long ol praeminista ya, trifala i lukaot long ol wok blong hem wetem ol bisnes blong hem. 3 Be long wok ya, Daniel i stap soemaot we wok blong hem i gud moa i winim tu narafala presiden ya, mo ol praeminista ya. Mo from we wok blong Daniel i gud moa, i winim wok blong tufala ya, king i tingbaot blong putum hem i lukaot long olgeta ples we hem i rul long hem.