Fasin blong holem Loa mo fasin blong bilif long Kraes
6 3.6: Jen 15.6; Rom 4.3 Yufala i traem tingbaot Ebraham ya bifo. Baebol* i talem se, "Hem i bilif long God, mo from we hem i bilif olsem, God i luk hem se hem i wan stret man long fes blong hem." 7 3.7: Rom 4.16Oraet, yufala i mas savegud we ol man we oli bilif long God olsem, olgeta ya oli prapa laen* blong Ebraham. 8 3.8: Jen 12.3Taem fasin ya i no kamtru yet, be Baebol* i talem finis we bambae God i save mekem ol man we oli no laen blong Isrel* oli kam stret man long fes blong hem, from we oli bilif long hem. Mo taem fasin ya i no kamtru yet, Baebol i talemaot gud nius ya long Ebraham we God i talem se, "Mi bambae mi yusum yu blong blesem olgeta man long wol." 9 Ebraham ya i bilif long God, mo God i blesem hem from, mo long sem fasin, hem i stap blesem olgeta we oli stap bilif long hem.