37 Nao Paelat i askem long hem se, "?Be i tru we yu yu wan king?"
Jisas i talem se, "Yu nao yu talem olsem. Mi mi bon, mi kam long wol ya blong wan samting nomo, blong mi talemaot ol tok we i tru. Mo man we i glad blong folem ol tok we i tru, hem i save harem ol tok blong mi."
38 Be Paelat i talem long hem se, "?Wanem nao ol tok ya we i tru?"
Paelat i jajem Jisas se bambae hem i mas ded
(Matiu 27.15-31; Mak 15.6-20; Luk 23.13-25)
Nao Paelat* i go afsaed bakegen long ol lida blong ol laen* blong Isrel*, i talem long olgeta se, "Mi mi no save faenem wan rabis poen long man ya, blong mi jajem hem from.