12 Nao i kam kasem fas dei blong Lafet* blong Kakae Bred* ya we i No Gat Is long hem. Long dei ya, ol man oli stap kilim ol smol sipsip* blong mekem Lafet blong Pasova*. Nao ol man blong Jisas oli askem long hem se, "?Yu wantem mifala i go mekemrere kakae blong Lafet blong Pasova long weples, blong yu save kakae long hem?"
26 Nao oli sing long wan Sam, mo biaen oli aot, oli go long hil ya we nem blong hem "Hil blong Tri ya Olif*".
Jisas i talemaot we Pita bambae i talem se hem i no save hem
(Matiu 26.31-35; Luk 22.31-34; Jon 13.36-38)
32 Nao olgeta oli go long wan ples, nem blong hem Getsemane. Nao Jisas i talem long ol man blong hem se, "Yufala i sidaon long ples ya fastaem, bambae mi mi go prea."
43 Taem Jisas i stap toktok yet, wantaem nomo Judas we i wan long ol twelef man blong hem, hem i kamtru. Hem i rere finis blong letem Jisas i go long han blong ol enemi blong hem, mo i gat wan bigfala kampani blong ol man oli biaen long hem, we oli stap karem naef blong faet mo nalnal blong olgeta. Olgeta ya oli aot long ol jif pris* mo ol tija blong Loa* mo ol elda* blong ol laen* blong Isrel*.
46 Nao olgeta ya oli kam, oli holemtaet Jisas.