22 Taem olgeta oli stap kakae, Jisas i tekem bred*, i prea blong talem tangkiu long God from. Nao hem i brekem, i givim long olgeta, i talem se, "Yufala i tekem. Hemia bodi blong mi." 23 Mo hem i tekem wan kap waen, i talem tangkiu long God from, nao i pasem i go long olgeta, mo olgeta oli dring. 24 ✝14.24 a: Eks 24.8; b: Jer 31.31-34Nao hem i talem se, "Hemia i blad blong mi we i blong mekem promes* blong God i stanap. Blad blong mi bambae i ron blong sevem plante man. 25 Tru mi talem long yufala, bambae mi mi no moa save dring waen ya bakegen, gogo kasem we bambae mi dring niufala waen long niufala wol ya we God i king* long hem."