30 Nao ol aposol blong Jisas oli kambak bakegen long hem, mo oli talemaot long hem olgeta samting we oli mekem, mo ol tok we oli tijim ol man long hem. 31 Be plante man tumas oli stap kam luk Jisas, oli stap kam oli stap go, nao Jisas wetem ol man blong hem oli no gat taem nating blong oli kakae. Nao hem i talem long ol man blong hem se, "Yufala i kam. Yumi go long wan ples we i no gat man, we yufala i save spel smol."
Jisas i givim kakae long faef taosen man
(Matiu 14.13-21; Luk 9.11-17; Jon 6.1-14)
32 Nao Jisas wetem ol man blong hem oli tekem wan bot, oli aot blong go long wan ples we i no gat man long hem.