Fasin blong God i gud tumas
33 11.33: Aes 55.8 !Olgeta! !Fasin blong God blong givhan long ol man, i gud tumas! !Waes blong hem, mo save blong hem i bigfala tumas, i bitim mak! Yumi no save talemaot olsem wanem hem i jusumaot ol rod blong hem. Yumi no naf blong save ol plan blong hem, se bambae oli kamtru olsem wanem. 34 11.34: Aes 40.13Hemia i olsem tok blong Baebol we i talem se,
"I no gat man we i save ol samting
we i stap long tingting blong Hae God*.
I no gat man
we i save givim tingting long hem.
35 11.35: Job 41.11 I no gat wan man nating
we i save givim wan samting long hem,
se bambae God i mas givim jenis
long hem bakegen."
36 11.36: 1 Kor 8.6 God ya, hem nomo i mekem olgeta samting. Mo olgeta samting ya oli stap stanap long paoa blong hem nomo, mo oli stap blong presem hem nomo. Bambae yumi stap leftemap nem blong hem oltaem, gogo i no save finis. Amen.