Yufala i no mas mekem ol Kristin man oli foldaon long sin
13 Nao from samting ya, i gud yumi livim fasin ya, we yumi stap jajem narafala man. Yumi mas gat narafala tingting, we bambae yumi no mekem wan fasin nating we i save mekem wan Kristin brata no sista i foldaon long sin. 15 Taem we yufala i stap mekem wan narafala Kristin man i harem nogud from sam kakae we yufala i stap kakae, be fasin ya i soemaot we yufala i no moa lavem hem. Yufala i no mas letem kakae blong yufala i spolem man we Kraes i ded from hem. 17 Kakae mo ol samting blong dring i no bigfala samting long laef blong ol man we God i King* blong olgeta. Ol man ya we God i King blong olgeta, Tabu Spirit i stap mekem olgeta oli gat stret fasin, oli stap long pis, mo oli stap harem gud long tingting blong olgeta.