17 4.17: Jen 17.5olsem we God i talem long Baebol se, "Mi mi mekem we yu yu stamba blong ol man blong plante ples." God ya we Ebraham i bilif long hem, hem i save mekem ol ded man oli laef bakegen, mo i save mekem ol samting we oli no stap, oli kamtru, nao oli stap. Mo long fes blong hem, promes ya we hem i mekem wetem Ebraham, hem i stap stanap yet.
Fasin blong bilif blong Ebraham i soemaot gudfala rod long yumi
18 4.18: Jen 15.5 Long taem we plante samting i save spolem tingting blong Ebraham, hem i stap bilif yet long God, mo tingting blong hem i stap strong yet long hem. Nao hem i kam stamba blong ol man blong plante ples, olsem we God i talem long Baebol se, "Ol laen blong yu bambae oli kam plante olsem ol sta." 19 4.19: Jen 17.17Long taem ya, hem i gat klosap wan handred yia blong hem. Mo taem hem i tingbaot we hem i olfala, we bodi blong hem i slak finis, mo we Sera tu i olfala finis, i no save karem pikinini, be bilif blong hem i no kam slak. 20 Tingting blong hem i no seksek long promes* blong God, bilif blong hem i stap strong long hem, nao hem i kasem paoa from we hem i stap bilif olsem. Nao hem i leftemap nem blong God, 21 from we i savegud we bambae God i save mekem olgeta samting we hem i promes blong mekem.