11 8.11: 1 Kor 3.16God i mekem Jisas Kraes i laef bakegen, mo from we Spirit blong hem i mekem ples blong hem long yufala, bambae yufala i gat laef. From we Spirit ya i stap long yufala, God bambae i mekem bodi blong yufala i laef bakegen.
12 Ol brata mo sista. From samting ya, i gat ol fasin we yumi mas mekem blong mekem i stret long fes blong God, be hemia i no ol rabis fasin ya we tingting blong yumi nomo i wantem. 13 Sipos yufala i stap mekem ol fasin ya we tingting blong yufala i wantem, bambae yufala i mas ded from. Be sipos long paoa blong Tabu Spirit, yufala i kilimaot ol rabis fasin ya we i kamaot long tingting blong yufala, bambae yufala i save laef.
Yufala i pikinini blong God
14 Olgeta we Spirit blong God i stap lidim olgeta, oli pikinini blong God. 15 8.15: Gal 4.5-78.15: Mak 14.36; Gal 4.6Mo Tabu Spirit ya we God i givim finis long yufala, hem i no blong mekem yufala i olsem ol slef* nomo blong God, we yufala i fraet long hem, nogat. Spirit ya i blong mekem yufala i pikinini blong God. Mo long paoa blong Spirit ya, taem yumi prea, yumi stap talem long God se, "Papa blong mifala." 16 Spirit ya blong God i kam joen long tingting blong yumi, blong talemaot we yumi pikinini blong God. 17 Nao from we yumi pikinini blong hem, bambae yumi save kasem ol gudgudfala samting we hem i putum olgeta oli tabu, se bambae oli blong ol man blong hem. Mo bambae yumi save joen long Kraes blong kasem haf long ol gudgudfala samting we God i putum olgeta oli tabu, se bambae oli blong Kraes. Mo from we yumi joen long Kraes blong harem nogud olsem we hem i harem nogud, be bambae yumi save joen long hem bakegen, blong kasem gudfala laef blong hem long heven.