33 I no gat wan man nating we bambae i save talemaot sam poen agens long yumi ya we God i jusumaot yumi finis, from we God nomo i mekem yumi kam stret man finis long fes blong hem. 34 I no gat wan man nating i save jajem yumi, se bambae yumi mas panis, from we Jisas Kraes ya we i ded, mo we biaen God i mekem hem i laef bakegen, hem i stap sidaon long raet saed blong God, i stap toktok long God oltaem from yumi.
Publicidade