12 Ngiyalilobela bantwana abathandekayo,

ngoba izono zenu zithethelelwe ngenxa yebizo lakhe.

13 Ngiyalilobela bobaba,

ngoba selimazi yena okhona kusukela ekuqaleni.

Ngiyalilobela majaha,

ngoba limnqobile omubi.

14 Ngiyalilobela, bantwana abathandekayo,

ngoba liyamazi uBaba.

Ngiyalilobela bobaba,

ngoba selimazi yena okhona kusukela ekuqaleni.

Ngiyalilobela majaha,

ngoba lilamandla

lelizwi likaNkulunkulu lihlala kini,

njalo limnqobile omubi.

15 Lingawuthandi umhlaba loba olunye ulutho olusemhlabeni. Nxa umuntu ethanda umhlaba, uthando lukaBaba kalukho kuye.