1 Emva kwalokhu ngezwa umsindo onjengokuhlokoma kwexuku elikhulu ezulwini limemeza lisithi:

"Haleluya!

Ukusindisa lodumo lamandla ngokukaNkulunkulu wethu

2 ngoba ukwahlulela kwakhe kuqotho njalo kulungile.

Usilahlile isiphingi esikhulu

esaxhwalisa umhlaba ngobufebe baso.

Uphindisele kuso igazi lezinceku zakhe."

3 Bamemeza njalo bathi:

"Haleluya!

Intuthu yokutsha kwaso ithunqa kuze kube nininini."