Mateus 3

UJohane UMbhaphathizi Ulungisa Indlela

1 Ngalesosikhathi kwafika uJohane uMbhaphathizi etshumayela enkangala yaseJudiya 2 esithi, "Phendukani ngoba umbuso wezulu ususondele." 3 Nguye lo okwakhulunywa ngaye ngumphrofethi u-Isaya kwathiwa:

"Ilizwi lomemezayo enkangala lithi,

‘Lungiselani iNkosi indlela,

yenzani izindlela zayo ziqonde.’*3.3 U-Isaya 40.3"

4 Izigqoko zikaJohane zazenziwe ngoboya bekamela, elebhanti lesikhumba okhalweni lwakhe. Ukudla kwakhe kwakuzintethe loluju lwenyosi zeganga. 5 Abantu baphuma baya kuye bevela eJerusalema lakulo lonke elaseJudiya lemangweni wonke waseJodani. 6 Bevuma izono zabo, babhaphathizwa nguye emfuleni uJodani.