Mateus 4

Ukulingwa KukaJesu ENkangala

1 UJesu wasekhokhelwa nguMoya wamusa enkangala ukuthi ayelingwa nguSathane. 2 Emva kokuzila ukudla okwensuku ezingamatshumi amane lobusuku obungamatshumi amane wayeselambile. 3 Umlingi weza kuye wathi, "Nxa uyiNdodana kaNkulunkulu tshela amatshe la aphenduke abe yisinkwa."

4 UJesu waphendula wathi, "Kulotshiwe ukuthi: ‘Umuntu kayikuphila ngesinkwa kuphela kodwa ngelizwi lonke eliphuma emlonyeni kaNkulunkulu.’*4.4 UDutheronomi 8.3"

5 USathane wasemthatha wamusa emzini ongcwele, wamisa engqongweni yethempeli. 6 Wathi kuye, "Nxa uyiNdodana kaNkulunkulu, ziphosele phansi. Njengoba kulotshiwe ukuthi:

‘Uzalaya izingilosi zakhe ngawe,

zikuqage ngezandla zazo,

ukuze ungatshayeki ngonyawo lwakho elitsheni.’*4.6 AmaHubo 91.11-12"

7 UJesu wamphendula wathi, "Kulotshiwe ukuthi, ‘Ungayilingi iNkosi uNkulunkulu wakho.’*4.7 UDutheronomi 6.16"

8 Waphinda njalo uSathane wamusa entabeni ephakemeyo kakhulu, wamtshengisa yonke imibuso yomhlaba lokucwebezela kwayo. 9 Wathi, "Ngizakunika konke lokhu nxa ungangikhothamela, ungikhonze."

10 UJesu wathi kuye, "Suka kimi Sathane! Ngoba kulotshiwe ukuthi: ‘Khonza iNkosi uNkulunkulu wakho njalo usebenzele yena yedwa.’*4.10 UDutheronomi 6.13"

11 USathane wasemtshiya, izingilosi zabuya zazomkhonza.