Provérbios 2

Empeera y’Okunoonya Amagezi

1 Mwana wange, bw’onookwatanga ebigambo byange,

n’otereka ebiragiro byange mu bulamu bwo,

2 era n’ossaayo omwoyo eri amagezi,

era n’ossa omutima gwo eri okutegeera,

3 ddala ddala singa oyaayaanira okumanya

era n’oyimusa eddoboozi lyo osabe okutegeera,

4 bw’onooganoonyanga nga ffeeza,

era n’oganoonyanga ng’ekyobugagga ekyakwekebwa,

5 awo w’olitegeerera okutya Mukama,

era n’ovumbula okumanya Katonda.

6 Kubanga Mukama awa amagezi;

era mu kamwa ke muvaamu okumanya n’okutegeera.