36 Erile ba ntse ba tsamaya ka koloi, ba fitlha fa metsing mangwe, moopa a re, "Metsi ke a, ke eng fa ke sa kolobediwe?"

37 Filipo o ne a mo araba a re, "O ka kolobediwa fa o dumela ka pelo ya gago yotlhe." Mme moopa a fetola a re, "Ke dumela gore Jesu Keresete ke Morwa Modimo." 38 Mme a emisa kara ya gagwe ba fologela mo teng ga metse mme Filipo a mo kolobetsa. 39 Mme erile fa ba tswa mo metsing, Mowa wa Modimo wa tsaya Filipo, mme moopa a seka a tlhola a mmona gape, mme a tswelela mo tseleng ya gagwe a itumetse.