9 "ഞാൻ നോക്കിക്കൊണ്ടിരിക്കെ,

"സിംഹാസനങ്ങൾ ഒരുക്കപ്പെട്ടു;

പുരാതനനായവൻ ഉപവിഷ്ടനായി.

അവിടത്തെ വസ്ത്രം ഹിമംപോലെ വെണ്മയുള്ളതും

തലമുടി നിർമലമായ ആട്ടിൻരോമംപോലെയും ആയിരുന്നു.

അവിടത്തെ സിംഹാസനം അഗ്നിജ്വാലയും

അതിന്റെ ചക്രങ്ങൾ എരിയുന്ന തീയും ആയിരുന്നു.

10 അവിടത്തെ സന്നിധിയിൽനിന്ന്

ഒരു അഗ്നിനദി പ്രവഹിക്കുന്നുണ്ടായിരുന്നു.

ആയിരമായിരംപേർ അവിടത്തേക്ക് ശുശ്രൂഷചെയ്തു;

പതിനായിരം പതിനായിരംപേർ അവിടത്തെ മുമ്പിൽ നിന്നിരുന്നു.

ന്യായവിസ്താരസഭ സമ്മേളിച്ചു,

പുസ്തകങ്ങൾ തുറന്നു.