യോനാ 2

6 സമുദ്രത്തിൽ പർവതങ്ങളുടെ അടിവാരംവരെയും ഞാൻ മുങ്ങിപ്പോയി;

അവിടെ ഞാൻ ഭൂമിയുടെ അടിത്തട്ടിൽ സദാകാലത്തേക്കും ബന്ധിതനായിരുന്നു.

എങ്കിലും, എന്റെ ദൈവമായ യഹോവേ,

ആ അഗാധതയിൽനിന്ന് എന്നെ കയറ്റി അങ്ങ് എനിക്കു ജീവൻ തിരികെ നൽകിയിരിക്കുന്നു.

7 "എന്റെ പ്രാണൻ പൊയ്പ്പോയി എന്നായപ്പോൾ

ഞാൻ യഹോവയെ ഓർത്തു.

അങ്ങയുടെ വിശുദ്ധമന്ദിരത്തിലേക്കുതന്നെ,

എന്റെ പ്രാർഥന ഉയർന്നു.