ലൂക്കോസ് 1

മറിയയുടെ കീർത്തനം

46 ഇതിന് മറിയ പ്രതിവചിച്ചത്:

"എന്റെ ഉള്ളം കർത്താവിനെ പുകഴ്ത്തുന്നു;

47 എന്റെ ആത്മാവ് എന്റെ രക്ഷിതാവായ ദൈവത്തിൽ ആനന്ദിക്കുന്നു.

48 അവിടന്ന് തന്റെ ദാസിയുടെ ദൈന്യത്തെ

പരിഗണിച്ചല്ലോ;

ഇപ്പോൾമുതൽ എല്ലാ തലമുറകളും എന്നെ അനുഗ്രഹിക്കപ്പെട്ടവൾ എന്നു വാഴ്ത്തും.

49 സർവശക്തൻ എനിക്കുവേണ്ടി വലിയ കാര്യങ്ങൾ ചെയ്തിരിക്കുന്നു;

പരിശുദ്ധമല്ലോ അവിടത്തെ നാമം.