2 യേശു അവരോടു പറഞ്ഞത്, "നിങ്ങൾ ഇപ്രകാരം പ്രാർഥിക്കുക:

" ‘സ്വർഗസ്ഥനായ ഞങ്ങളുടെ* പിതാവേ,

തിരുനാമം ആദരിക്കപ്പെടട്ടെ,

അവിടത്തെ രാജ്യം വരുമാറാകട്ടെ,

തിരുഹിതം നിറവേറപ്പെടട്ടെ, സ്വർഗത്തിലെപ്പോലെതന്നെ ഭൂമിയിലും.*

3 അനുദിനാഹാരം ഞങ്ങൾക്ക് എന്നും നൽകണമേ.

4 ഞങ്ങളോടു പാപംചെയ്തവരോട് ഞങ്ങൾ ക്ഷമിച്ചതുപോലെതന്നെ,

ഞങ്ങളുടെ അപരാധവും* ക്ഷമിക്കണമേ.

ഞങ്ങളെ പ്രലോഭനത്തിലേക്കു* നയിക്കരുതേ.

ഞങ്ങളെ പിശാചിൽനിന്ന് സംരക്ഷിക്കണമേ.’ "*