Apocalipse 12

9 तो प्रचंड अजगर, म्हणजे दियाबल किंवा सैतान म्हटलेला, सर्व जगाला फसविणारा प्राचीन सर्प, याला त्याच्या सर्व दूतांसह पृथ्वीवर लोटून देण्यात आले.

10 तेव्हा स्वर्गातून आलेली एक उच्च स्वरातील वाणी मी ऐकली. ती म्हणाली,

"परमेश्वराचे तारण, सामर्थ्य

व त्यांचे राज्य

आणि त्यांच्या ख्रिस्ताचा अधिकार यांचा उदय झाला आहे;

कारण आमच्या बंधुजनावर

आरोप ठेवणार्‍याला स्वर्गातून पृथ्वीवर ढकलून दिले आहे.

तो रात्रंदिवस आमच्या परमेश्वरासमोर त्यांच्यावर दोषारोप करीत असे!