9 "जसे मी पाहिले,

"सिंहासने मांडली गेली

आणि प्राचीन पुरुष आपल्या आसनावर बसला आहे.

त्याची वस्त्रे हिमासारखी शुभ्र होती;

त्याच्या मस्तकावरील केस लोकरीप्रमाणे पांढरे होते.

त्याचे सिंहासन अग्निज्वालायुक्त होते,

आणि त्याच्या सिंहासनाची चाके प्रज्वलित केलेल्या अग्नीप्रमाणे होती.

10 अग्नीची नदी निघून वाहत होती

जी त्याच्यामधून बाहेर येत होती.

हजारोच्या हजार लोक त्याची सेवा करीत होते;

कोट्यावधी लोक त्याच्यासमोर उभे होते.

न्यायालयाचे कामकाज सुरू झाले

आणि पुस्तके उघडली गेली.