5 परंतु तो आमच्या अपराघांमुळे भोसकला गेला,

तो आमच्या पापामुळे चिरडला गेला;

आम्हाला शांती देणारी शिक्षा त्याच्यावर आली,

आणि त्याच्या जखमांद्वारे आम्हाला आरोग्य प्राप्त झाले.

6 आम्ही सर्व मेंढराप्रमाणे भटकून गेलो होतो,

आम्हा प्रत्येकाने स्वतःचेच मार्ग धरले होते;

आणि याहवेहने आम्हा सर्वांचा दोष

त्याच्यावर लादला.

7 त्याला छळले व जाचले,

तरीही त्याने आपले मुख उघडले नाही;

वधावयाला नेणाऱ्या कोकराप्रमाणे त्याला नेण्यात आले,

आणि लोकर कातरणार्‍यांसमोर मेंढरू जसे स्तब्ध राहते,

तसेच त्याने आपले मुख उघडले नाही.