Isaías 58

3 ते म्हणतात, ‘आम्ही उपास केला,

पण तुम्ही बघितलेही नाही?

आम्ही नम्र झालो,

आणि तुम्ही त्याकडे लक्षही दिले नाही?’

"तरी तुमच्या उपासाच्या दिवशी, तुम्ही मनाला वाटेल तसे करता

आणि तुमच्या कामगारांची पिळवणूक करता.

4 तुमचे उपास कलह व भांडणाने

आणि एकमेकांशी दुष्टपणे मारामारी करण्याने संपतात.

तुम्ही जसा उपास करता, तसा आता करून

तुमचा आवाज उच्चस्थानी ऐकला जाईल अशी अपेक्षा करता.

5 असा उपास मी निवडला आहे काय,

लोकांनी नम्र होण्याचा एक दिवस?

केवळ वार्‍याने लवणार्‍या लव्हाळ्याप्रमाणे वाकण्याकरिता,

आणि गोणपाट नेसून राख फासण्याकरिता?

यालाच तुम्ही उपास म्हणता का,

याहवेहला असा दिवस मान्य असेल काय?

6 "मी निवडलेला उपास याप्रकारचा नाही का:

अन्यायाची बंधने तुटली जावी

आणि जोखडाचे बंद सोडावे,

पीडितांना मुक्त करावे

आणि प्रत्येक जोखड तोडून टाकला जावा?