यशायाह 61

2 याहवेहच्या कृपेचे वर्ष

आणि परमेश्वराचा सूड घेण्याचा दिवस आला आहे, हे जाहीर करण्यास,

आणि जे सर्व विलाप करतात त्यांचे सांत्वन करण्यासाठी त्यांनी मला पाठविले आहे.

3 सीयोनातील जे सर्व शोक करतात त्यांना—

राखेऐवजी सौंदर्याचा मुकुट,

विलापाऐवजी

आनंदाचे तेल,

निराशेच्या आत्म्याऐवजी

स्तुतीचे वस्त्र

बहाल करण्यासाठी.

कारण त्यांचे गौरव प्रकट करण्यासाठी

ते नीतिमत्तेचे एला वृक्ष

याहवेहने स्वतः रोपलेले असे संबोधले जातील.