यशायाह 66

न्याय आणि आशा

1 याहवेह असे म्हणतात:

"स्वर्ग माझे सिंहासन आहे

आणि पृथ्वी माझे पादासन आहे.

तुम्ही माझ्यासाठी निवासस्थान बांधणार ते कुठे आहे?

माझे विश्रांतिस्थान कुठे असणार?

2 माझ्या हाताने हे सर्व घडवले

आणि म्हणून ते अस्तित्वात आले नाहीत काय?"

अशी याहवेह घोषणा करतात.

"ज्यांच्यावर मी प्रसन्न होतो ते असे असतात:

जे लीन व भग्न आत्म्याचे आहेत,

आणि जे माझ्या वचनांनी कंपित होतात.