Jeremias 18

2 "कुंभाराच्या घरी जा आणि तिथे मी तुला माझा संदेश देईन." 3 म्हणून मी कुंभाराच्या घरी गेलो, आणि तिथे तो आपल्या चाकावर काम करताना मला दिसला. 4 परंतु तो जे मडके करीत होता, त्याच्या हातातील मातीचा आकार बिघडला; म्हणून त्याने त्याचे, त्याला योग्य वाटेल तसे दुसरे मडके बनविले.

5 तेव्हा याहवेहचे वचन माझ्याकडे आले. 6 ते म्हणाले, "हे इस्राएला, या कुंभाराने आपल्या मातीचे केले तसे मला तुझे करता येणार नाही काय? कुंभाराच्या हातात माती असते तसे इस्राएला, तुम्ही माझ्या हातात आहात," असे याहवेह जाहीर करतात.