लूक 1

59 मग आठव्या दिवशी जे बाळाची सुंता करण्यासाठी आले, ते त्याच्या वडिलांचे जखर्‍याह हेच नाव त्याला देणार होते, 60 पण त्याची आई अलीशिबा म्हणाली, "नाही, त्याचे नाव योहान आहे."

61 तेव्हा त्यांनी तिला म्हटले पण, "हे नाव तुमच्या नातलगात सापडत नाही."

62 नंतर त्यांनी हातांनी खुणा करून त्याच्या वडिलांना, बाळाचे नाव काय ठेवायचे आहे असे विचारले. 63 वडिलांनी एक पाटी मागवून त्यावर, "त्याचे नाव योहान आहे" असे लिहिले आणि प्रत्येकजण आश्चर्यचकित झाला. 64 तत्क्षणी जखर्‍याहचे तोंड उघडले व त्याची जीभ मोकळी झाली आणि तो बोलू लागला व परमेश्वराची स्तुती करू लागला.