मत्तय 15

3 येशूंनी उत्तर दिले, "तुमच्या प्रथा पाळण्याकरिता तुम्ही परमेश्वराच्या आज्ञा का मोडता? 4 परमेश्वर म्हणाले, ‘तुझ्या वडिलांचा आणि आईचा सन्मान करा’*15:4 निर्ग 20:12; अनु 5:16 आणि ‘जो कोणी आपल्या आई किंवा वडिलास शाप देईल त्यास जिवे मारावे.’*15:4 निर्ग 21:17; लेवी 20:9 5 परंतु तुम्ही म्हणता, जर कोणी असे घोषित करतो की, आईवडिलांना करत असलेली मदत, ही ‘परमेश्वराला समर्पित’ आहे. 6 अशाप्रकारे ते त्यांच्या आईवडिलांचा मान ठेवीत नाहीत, पण तुमच्या परंपरा पाळल्या जाव्या म्हणून तुम्ही परमेश्वराचे वचन रद्द करता. 7 अहो ढोंग्यांनो! यशायाह संदेष्ट्याने तुमच्या ढोंगीपणाचे अचूक वर्णन केले आहे, तो म्हणतो:

8 " ‘हे लोक केवळ त्यांच्या मुखाने माझा सन्मान करतात,

पण त्यांची अंतःकरणे माझ्यापासून दूर आहेत.

9 माझी उपासना ते व्यर्थपणे करतात;

त्यांची शिकवण केवळ मानवी नियम आहेत.’ "*15:9 यश 29:13