मत्तय 9

2 काही लोकांनी एका पक्षघाती मनुष्याला, खाटेवर ठेऊन त्यांच्याकडे आणले. जेव्हा येशूने त्यांचा विश्वास पाहिला, त्या मनुष्याला म्हणाले, "मुला, धीर धर, तुझ्या पापांची क्षमा झाली आहे."

3 तेव्हा तिथे उपस्थित असलेले काही नियमशास्त्र शिक्षक आपसात म्हणू लागले, "हा मनुष्य दुर्भाषण करतो!"

4 त्यांचे विचार येशूंनी ओळखून त्यांना विचारले, "तुम्ही तुमच्या मनामध्ये दुष्टाईने भरलेले विचार का करता? 5 यातून कोणते म्हणणे सोपे आहे, ‘तुझ्या पापांची क्षमा झाली आहे,’ किंवा ‘ऊठ आपली बाज उचलून चालू लाग?’ 6 तुम्हाला हे समजण्याची गरज आहे की मानवपुत्राला पृथ्वीवर पापांची क्षमा करण्याचा अधिकार आहे." ते पक्षघाती मनुष्याला म्हणाले, "ऊठ, आपले अंथरूण उचल आणि घरी जा." 7 तेव्हा तो मनुष्य उठला आणि आपल्या घरी गेला.