गणना 10

33 मग ते याहवेहचे पर्वत म्हणजेच सीनाय पर्वतापासून निघाले व तीन दिवसांचा प्रवास करीत गेले. याहवेहच्या कराराचा कोश त्यांच्या विसाव्याचे ठिकाण पाहण्यासाठी त्या तीन दिवसांचा प्रवास करीत त्यांच्यापुढे गेला. 34 ते छावणीतून निघाले तेव्हा दिवसा याहवेहचा मेघ त्यांच्यावर होता.

35 जेव्हा कोश पुढे जात असे तेव्हा मोशे म्हणे,

"हे याहवेह, सक्रिय व्हा!

तुमच्या शत्रूंची पांगापांग होवो;

तुमचे वैरी तुमच्यापुढून पळून जावोत."

36 जेव्हा कोश थांबत असे, तो म्हणे,

"हे याहवेह, परत या,

इस्राएलाच्या हजारो असंख्याकडे पुन्हा या."