Lucas 17

दश कुष्‍ठरोगीहरू निको भएका

11 यरूशलेम जाने आफ्नो यात्राको क्रममा येशू सामरिया र गालील प्रदेशबीचको सिमाना भएर जाँदैहुनुहुन्थ्यो। 12 उहाँ कुनै गाउँमा पस्‍न लाग्नुहुँदा कुष्‍ठरोग लागेका दश जनाले उहाँलाई भेटे। तिनीहरू केही टाढै उभिए; 13 अनि चर्को सोरमा उहाँलाई बिन्ती गरे, "हे येशू, गुरुज्यू, हामीमाथि कृपा गर्नुहोस्!"

14 तिनीहरूलाई देखेर उहाँले भन्‍नुभयो, "जाओ, र आफैँलाई पुजारीकहाँ*17:14 लेवी 14:2-32 हेर्नुहोस् देखाओ।" अनि तिनीहरू जाँदा-जाँदै निको भए।

15 तिनीहरूमध्ये एक जनाले आफू निको भएको देखेपछि चर्को सोरमा परमेश्‍वरको प्रशंसा गर्दै फर्केर आयो। 16 येशूको पाउमा घोप्टो परेर उहाँलाई धन्यवाद दियो; त्योचाहिँ एक सामरी थियो।

17 येशूले सोध्नुभयो, "के दशै जना नै निको भएका होइनन् र? अरू नौ जना कहाँ छन्? 18 के फर्किआएर परमेश्‍वरलाई प्रशंसा दिन यो परदेशीबाहेक अरू कोही भएनन्?" 19 त्यसपछि उहाँले त्यसलाई भन्‍नुभयो, "उठ, र आफ्नो बाटो लाग; तिम्रो विश्‍वासले नै तिमीलाई निको पारेको हो।"