Lucas 2

प्रभु येशूको जन्म

1 ती दिनहरूमा रोमी सम्राट सिजर अगस्टसले उनको साम्राज्यमा सबैको जनगणना गरियोस् भन्‍ने हुकुम जारी गरे। 2 (कुरेनियस सिरिया राज्यका राज्यपाल हुँदा यो पहिलो जनगणना भएको थियो।) 3 नाम दर्ता गर्न सबै आ-आफ्ना सहरमा गए।

4 यसरी योसेफ पनि गालील प्रदेशको नासरत सहरबाट यहूदिया प्रदेशमा, दावीदको*2:4 एक शक्तिशाली राजा, जसले येशूभन्दा 1000 वर्षअगि राज्य गरेका थिए। सहर बेथलेहेम*2:4 नासरतदेखि बेथलेहेमको दूरी करिब 100 कि.मि. छ। गए; किनकि उनी दावीदकै घराना र वंशका थिए। 5 उनी आफ्नो नाम दर्ता गर्न मरियमसँगै गए, जसको मगनी उनीसँग भएको थियो, र तिनी गर्भवती थिइन्।