Lucas 9

27 "म तिमीहरूलाई साँच्‍चै भन्दछु, यहाँ उपस्थित भएकाहरूमध्ये कतिले परमेश्‍वरको राज्य आएको नदेखुन्जेल मृत्यु चाख्नेछैनन्।"

प्रभु येशूको रूप परिवर्तन

28 येशूले यो कुरा भन्‍नुभएको करिब आठ दिनपछि पत्रुस, याकोब र यूहन्‍नालाई आफ्नो साथमा लिएर प्रार्थना गर्नलाई उहाँ एउटा अग्लो पर्वतमा चढ्नुभयो। 29 उहाँले प्रार्थना गर्दै गर्नुहुँदा उहाँको अनुहारको रूप बदलियो, र उहाँको लुगा बिजुली चम्केको झैँ उज्ज्वल भयो। 30 दुई व्यक्ति, मोशा र एलिया,*9:30 धेरै वर्ष पहिले मोशाले इस्राएलीहरूलाई इजिप्टदेखि अगुवाइ गरेका थिए। एलिया पनि धेरै पहिलेका एक महान् अगमवक्ता हुन्। येशूसँग बातचित गर्दै महिमित अवस्थामा देखा परे। 31 तिनीहरूले उहाँको बिदाइको बारेमा बोलिरहेका थिए, जुन कुरा उहाँले अब यरूशलेममा पूरा गर्न लाग्नुभएको थियो।