Marcos 8

येशूले बेथसेदामा दृष्‍टिविहीन मानिसलाई निको पार्नुभएको

22 उहाँहरू बेथसेदामा आउनुभयो; अनि केही मानिसहरूले एक जना दृष्‍टिविहीनलाई येशूकहाँ ल्याएर त्यसलाई छोइदिन बिन्ती गरे। 23 येशूले त्यस दृष्‍टिविहीन मानिसलाई आफ्नो हातमा समातेर गाउँदेखि बाहिर लानुभयो। जब उहाँले त्यसको आँखामा थुकेर आफ्ना हात त्यसमाथि राख्नुभयो, र सोध्नुभयो, "के तिमीले केही देख्यौ?"

24 त्यसले मास्तिर हेरेर भन्यो, "म मानिसहरूलाई रूखहरूजस्तै हिँडिरहेको देख्छु।"

25 येशूले आफ्ना हात फेरि एकपल्ट त्यस मानिसको आँखामा राख्नुभयो। तब त्यसका आँखाहरू खोलिए, त्यसको दृष्‍टि फर्केर आयो; अनि त्यसले सबै थोक स्पष्‍टसँग देख्यो। 26 येशूले त्यसलाई यसो भनेर घर पठाउनुभयो, "गाउँमाचाहिँ जाँदै नजाऊ।"