7 Kuom mano, mondo omi kik abed gi sunga e chunya kuom gik malich miwuoro mane aneno e fweny, ne omiya kudho machwoyo ringra. Kudhono ne en jaote mar Satan, ma noor mondo osanda. 8 Ne alamo Ruoth nyadidek kuom wachni, ka asaye mondo ogolna kudhono; 9 to ne odwoka niya, "Ngʼwonona mamiyi oromi, nikech kama nyawo nitie ema tekona tiyoe moloyo." Emomiyo, abiro medo pakora gi ilo kuom nyawona, eka teko mar Kristo osik kuoma.