Apocalipse 12

9 Eka thuol malichno nowit kidire mwalo e piny, thuol mangʼongo machon miluongo ni Jachien kata Satan, mawuondo piny ngima. Nowite modire e piny, kaachiel kod malaike mage bende.

10 Eka ne awinjo dwol maduongʼ moa e polo, kawacho niya,

"Koro warruok gi teko

kod pinyruodh Nyasachwa,

gi loch mar Kristo osechopo.

Nikech jahang jowetewa,

mahangonegi e nyim Nyasachwa odiechiengʼ gi otieno,

osewit modir e piny.