5 Eka nyar Farao nodhi e aora Nael mondo olwokre, ka jotichne to ne wuotho e geng aora. Nyar Farao noneno oserano ka ni e kind odundu, mine ooro jatichne ma nyako mondo ogeme. 6 Ne oele mi oyudo nyathi. Nyathino ne ywak, kendo nokeche mowacho niya, "Ma en achiel kuom nyithind jo-Hibrania."
7 Eka nyamin nyathino nopenjo nyar Farao niya, "Bende anyalo dhi mondo aluongni achiel kuom mond jo-Hibrania mondo opirni nyathini."
8 Nyar farao nodwoke niya, "Ee, dhiyo." Kuom mano nyakono nodhi mokelo mana min nyathino. 9 Nyar Farao nowachone niya, "Kaw nyathini mondo ipidhna bangʼe abiro chuli." Omiyo dhakono nokawo nyathino kendo norite.
/images/a/WG5FS9VaSWVnVmV3VI8yP)
/images/a/a0208299-6f37-40a0-66e1-2576b9435f00)