Johana 20

14 Bangʼ wacho kamano, nolokore ongʼiyo ngʼeye, kendo noneno Yesu kochungʼ kanyo, to ne ok ongʼeyo ni en Yesu.

15 Yesu nopenje niya, "Nyarwa, iywago angʼo? En ngʼa mimanyo?"

En to noparo ni mano jarit puodho ema wuoyo kode, omiyo nopenje niya, "Jaduongʼ, ka dipo ni in ema ne ikawe idhi kode, to nyisa kama iseketee, mondo adhi akawe."

16 Yesu noluonge niya, "Maria!"

Nolokore mi ongʼiye koluonge matek gi dho jo-Hibrania niya, "Raboni!" (tiende ni "Japuonj").