Johana 6

53 Eka Yesu nowachonegi niya, "Awachonu adier, ni ka ok uchamo ringre Wuod Dhano kendo umadho rembe, to uonge gi ngima. 54 Ngʼato angʼata mochamo ringra kendo omadho remba nigi ngima mochwere, kendo abiro chiere chiengʼ giko piny. 55 Ringra e chiemo madier kendo remba e math madier. 56 Ngʼato angʼata mochamo ringra kendo omadho remba siko kuoma, to an bende asiko kuome. 57 Mana kaka Wuoro Mangima noora, kendo angima nikech Wuoro, e kaka ngʼama chamo ringra biro bedo mangima nikech an. 58 An e makati mobiro e piny koa e polo. Kwereu nochamo manna kendo ne githo, to ngʼat mochamo makatini, to biro bedo mangima nyaka chiengʼ."