14 Ka nonenogi, nowacho niya, "Dhiuru, unyisru uwegi ni jodolo." To kane gidhi, negipwodhore.

15 Achiel kuomgi, kane oneno ni osechange, nodok ir Yesu, kopako Nyasaye gi dwol maduongʼ. 16 Nopodho auma e tiend Yesu kendo nogoyone erokamano, to ngʼatno ne en ja-Samaria.

17 Yesu nopenjo niya, "Donge ji apar duto nopwodhi? Ere ji ochiko mamoko? 18 Onge ngʼato madineyudre kuomgi monego duogi mondo omi Nyasaye pak, mana japiny moro nononi kende ema odwogo?" 19 Eka nowachone niya, "Chungi kendo idhi, yieni osemiyo ibedo mangima."